SEARCH -TAFUTA

.

SIR.LOOM INC

PUBLIC SPEAKING COURSES

02 March 2016

METHALI 777 ZA KIHAYA ( 777 Haya Proverbs)

Emigani ya buhaya bikumi mushanju, mwonshanju na mushanju (777)
1. Aba owa njura tibafa
2. Ababegana embisi, tibabegana ehire
3. Ababi batamisa okuchura
4. Ababili bageya omoi
5. Abagenda babili baijukanyia
6. Abagonjanganyia batwekangana omushunga
7. Abaho aimire nyina, tabaho aimire mwana
8. Abaisi b`ensenene, nibo bazilya
9. Abakama babili tibaikala ntebe emoi
10. Abakazi nkaito y'ekigogo tejuna mahwa
11. Abalezi babili baliza omwana
12. Abali bakazi baburwa abana, lelo Mukanyamba atazila
13. Abana babilebi ni kabuzi wasibula
14. Abana omunju mbalila, oti embwa Popi yalile
15. Abangi batali bawe, bakwomberera orwaire
16. Abantu baba kizi ky'enkoko kyera arubaju kiragura arundi
17. Abantu tibafunda munju emitima niyo efunda
18. Abarai betwera
19. Abarungi byahi, tibiwa mungemu
20. Abashaija birere, tibyera munda
21. Abashaija nkonjwa bahya ekishushu omunda bataile
22. Abashenya rwasiina tibatina bilikukuntuka
23. Abashenyire nkwi zabo balya akomile
24. Abasindika eitara bema ibega limoi
25. Abatanywa njahe tibabazibwa muliro
26. Abato b`omwaishaza, nibo bakuru ba banu
27. Abawe bangi, olwo okyalige
28. Abaza omuhanda tahaba
29. Abazibamba tibo bazitera
30. Abazika nyanga emoi tibaherangana
31. Abazishenya tibazoota
32. Abeihya tamila kachwanta
33. Abeiyera omukama abemba
34. Abingire isho takagarukile oti tata tairuka pai
35. Abona nyina yakuzile ati ebyajugile mae bikafa bushai
36. Abontambila enkumu nibo baiya enfumaza
37. Abunga n’omuze taguchwa
38. Afurwa kubi achura kubi
39. Agaba enyungu agaba enziro
40. Agalebile enchoncho tigaleba rumbugu
41. Agamba bingi asigala akanwa kalangaile
42. Agamba byona abeiya
43. Agamba ebyo njoki alya talya byana byazo
44. Agamba ekibi tiwe aba akilesire
45. Agambira omurwanga aba nateega
46. Agamera mbele tigalya
47. Agange nogamanya timugula amo nte
48. Agatakukwete togashongonga
49. Agaya akalimo aba nanyegeza obwolo
50. Agikweta aha ihembe niwe mukama wayo
51. Ago oinago nigo oshekesa
52. Aha mbuzi elikwiba tosibikao yawe
53. Ahala oalemba sho, nyoko aliba agobayo
54. Ahekire tahekula ndijo
55. Ahereka atashuulize bamwetera kubaga
56. Aho bata akakumu niho amahira gaturukira
57. Aho omulema ali tokondekeraho kara
58. Ahunire abona alikushoita
59. Aigusile tachumbila wanjala
60. Aija kubeiya ati nkaba nyina embwa yange
61. Aina agonkya tibanagwa
62. Aina oturo niwe ayala
63. Ajuma amukira tainuguka
64. Ajuna akanyonyi ajuna akakyaharara
65. Ajunjukanira kulya tajunjukanira kulima
66. Akaana katagenda kati mawe achumba
67. Akabi mpiya
68. Akabwa kabunga bakateza omukunga
69. Akabwa kabunga kashombayo omukuuru
70. Akabwa kabunga tikalya mara ga kabuzi ka mwabo
71. Akachwekaniso kakaita akagongoro
72. Akafa ayemeleire nk’emotoka
73. Akagambo kalungi kakalaaza empisi aharwigi
74. Akagunju kalafa tikahulila nzamba
75. Akaigusile kabila
76. Akajuga omungoma kamanywa omubambi
77. Akake okalya nowawe
78. Akalezile enkoko tikagita
79. Akalimi kalungi kalaza empisi aha rwigi
80. Akalo ak’otalailemu tomanya butungi bwako
81. Akana kolaeka tokateza lume
82. Akana katali kawe kokatuma bukama keramiza
83. Akandemba tindya namulemba tinagira
84. Akanena amagufa kamanya okwo kalagamira
85. Akanwa kabi katera omukaikuru eirogo
86. Akanwa kenshoni karambaza nyinako
87. Akanyonyi kataharara tikamanya luanga rweza buro
88. Akashanju katera mukabaro kokabona okachwisa akibanga
89. Akasimosimo kazaza omuti empako
90. Akatali kawe okalya na kakeolize
91. Akatatwire kashasa nyinako
92. Akati kalakusiga amazi kaikala kashungamilize
93. Akati kalakusiga amazi onyia okalibasile
94. Akau kentama, omunda mpisi
95. Akawa amani kawa amairu
96. Akira nyina mwana okuchura niwa aba amwisire
97. Ako oralya omunjura okararamira etakagwire
98. Akogaya niko kabutosa
99. Akondora nachwa aba nayeyugiza
100. Akubinga nakugambira aba murungi

 101. Akuchumbira ebibisi aba nakugonza
102. Akuganyira atakuhaire tomanya kwo akushasiire
103. Akuha kuhereka akwima kuzika
104. Akukira akuteza elyokwete
105. Akukiza emperwa akukiza eirogo
106. Akulenga ekisisi aba alikwokya
107. Akunamire aba anyeire
108. Akunoba ashendekereza akutonga
109. Akusheleka okwo yakujuma, naiwe omusheleka okwo wamumanya
110. Akutera omukutwi omutera omurisho
111. Akuterera omwana aba ateire iwe
112. Akutwara ekiro omusiima bukeire
113. Akuzigita akunyampisa
114. Akwebembeire akworeka entwero
115. Akwebembela ahakiulo akukiza embege
116. Alakuha enkole akubanza omugobe
117. Alakuliila kubi ombona eminaabile
118. Alakwima ategulira abato
119. Alala njweli tagona
120. Alikwegoba ayeiyao eihwa
121. Alilira elisho alilira elye
122. Alinda ebishusi niwe abyata
123. Amagezi muliro gatahurwa njweli
124. Amaino katare omutima sisisi
125. Amaino tei omunwa zili
126. Amaisho g’omufu n’amwebembeile
127. Amaisho gomukuru gakila orumuli kumulika
128. Amaizi gagya mbali galagile
129. Amaizi gokushaba tigamala iliho
130. Amaju gapango gabiika
131. Amakunirane ti itware
132. Amala eibanja amala obulemi
133. Amani g’ekinyira njura
134. Amara kulya ati omuka nibanyeta
135. Amazima galokola
136. Ashaba enkoko abona nerahura
137. Ashalila owabo azikiza
138. Ashambya omutwe amigamiga ahagwe
139. Ashasire niwe ayara
140. Ashenya ahekile aba alizirugaho
141. Ashereka obuzana bumuchwa
142. Asigara omukarago niwe akazinga
143. Atabaza afa n’akago
144. Atabaza ahena
145. Atachuba talima ntaano
146. Atafile nka nyina, afa nka nyinazara
147. Ataganyira kikele ati tikitwa muhini
148. Atagimanya agikamila obumosho
149. Ataina mpaya agonza kubaga
150. Ataina mulinga ati nigununka
151. Ataina mushagazi alea
152. Ataina mwana ayezanila
153. Atainake tazinduka
154. Atainamwe tagona
155. Atakomize tahwa ikaranga
156. Atakubire ati henda orwo
157. Atakuboine takubaza
158. Atakuhe ashereka
159. Atakuhe omwaka
160. Atakurata ati omukama tagaba
161. Atakwenda akwokeza omulubabi
162. Atakwenda akwokeza omurubabi
163. Atakwendela kusabala, ati noluga omukizinga
164. Atakwendera bana abeta ruuto
165. Atakwetwekeilemu tamanya kwo osikililwe
166. Ataliho aigana afire
167. Ataliho tagwerwa muti
168. Atalya ibanja tatunga
169. Atamanya ngonzi za mbata ati leba nenya amala
170. Atamanya ngonzi za mpaya ati nempema
171. Atamukwasile ati mutule
172. Atamukwete ati teneka
173. Atanaga taronda
174. Atashambya tayokya
175. Atatwetumu byawe tamanya okwo osikililwe
176. Ategeile talekela kushuliza
177. Atehanuza tategekerwa
178. Atela abana atela bona
179. Atera embwa aba nahiga mukama wayo
180. Atonga endwara agishanga aha kitabo
181. Atongana kulya tasingwa
182. Atula atakweta akwetera ekitwe kyembwa
183. Atwara enkundure agenda najwa
184. Ayagumiirwe tayoroberwa
185. Ayakila amafa gabili aba aina ekishakila
186. Ayakuhaire takweba
187. Ayakushendekeleza atakugobye aba nakuleka komanyiira
188. Ayakwa omumanye tanaga ngata
189. Ayakwatirwa amugogo niwe mushuma
190. Ayakwiya omugaita yateba
191. Ayaleeba atekomye bamuloga elisho
192. Ayalima atakugabira tugira oti alima
193. Ayanga oburahi aba atabuhailwe
194. Ayatahirire tatubika
195. Ayatunda ayolekya
196. Ayayeisire bukaba buli bwohe
197. Ayazigaija asiimwa bangi
198. Ayazinire tahwa itengya mabega
199. Ayemela obuzimba ayemela obwokya
200. Ayenda okulengya tataka

 201. Ayesiga Katonda tabulilwa kamoi
202. Ayetonga ajuura
203. Azilira mukaishe aba namutumbisiza
204. Babatiza aikilize
205. Babigamba ntaliho kabukya mbimanya
206. Bagambila balinsi balyeiguru kuhulira
207. Bagaya akatoju kaija kabachumbagiza
208. Bagonza enkwi banoba omushenyi
209. Bahana owo gulimu
210. Baileta nomuganda chei, akagwa ali babingambile
211. Bakusiima okwiruka, waingula omwanyu
212. Bakutanga kunya omukiongole wayehesa emikila yente
213. Bamusiima okunyia yaijuza oruhanga
214. Banshabile ekanyisibwa nyinayo
215. Basheke kyonka batachura
216. Basiga agabo banjara agabanu
217. Batemela mbaligwinamiile
218. Bilibwa akatamago
219. Bona bakama eteera obushegi
220. Buhere babworeka enyio
221. Bukya nagandi
222. Burogo bwomwana aba abutwekilwe nyina
223. Bwaka lyagwa oti lyatobera ntamuboine
224. Byalema aba amaisho lero ab’ebinonko
225. Byalema abalaileyo, lero iwe ayaija mbwenu
226. Chumba tulye niyo nkungani ya abatunzi
227. Ebagirwa aha bangi ehagwa enanu
228. Ebibisi obichumbirwa nyoko
229. Ebibonwa byona tibyo bigambwa
230. Ebihire obichumbirwa mukasho
231. Ebinagile tibilebwa mbwa
232. Ebintu kabikushobeza naiwe obishobeza
233. Ebinyomo bibili tibilemwa nsenene emoi
234. Ebiro tibishanangana
235. Ebitaina mahyo bihenda omugongo
236. Ebitaina mahyo tibyera
237. Eby’ensherekwa bimarwa embeba
238. Ebyafire bishairwa okuranduka
239. Ebyazi bya bunanka biterera aba alabigwireho
240. Ebyazi bya bunanka biterera aba alabigwireho
241. Ebyo bakuha otasiima, olengoti babiba
242. Ebyo ishoke aiga nibyo njwi alya
243. Ebyo nsherekwa bimarwa embeba
244. Ebyokuha enyenje obiha orububi
245. Egenda mpola enywage
246. Eguruka etaragile eyata amahuli
247. Egwile bashala
248. Eilaru balijweka ebishansha
249. Eishemoi ligonjanyia ishebo akyalora
250. Eishemoi lirwana ekibi kurogangana
251. Eishemoi lirwana nibolekangana ebina
252. Eishemoi lisindika eitala
253. Eishemoi nshaho ibili
254. Eiyela tilitela nyonyi
255. Ekibanja ka, orufunguruzo mfuka
256. Ekibi kiliwo, nikishaga omwanya gusha
257. Ekibi kyemanya enkoko eyetaya
258. Ekibi okizala tokigula
259. Ekibi okyaka omuhoro kitakatemile
260. Ekibi tikyezara bakizara
261. Ekibura buguzi kigarukira nyinakyo
262. Ekigwa tikilaga
263. Ekikoko ekikulu kikegesa ekito kunyia aruhara
264. Ekileta eifa nikyo kileta obushako
265. Ekili kyawe kijunda nokara
266. Ekilo kitwala empendeke
267. Ekilya omutwe tikisiga bwongu
268. Ekilya omutwe tikisiga bwongu
269. Ekinyonyi kibi kibagirwa bangi
270. Ekiro kilungi, kizoka kwema bwankya
271. Ekiro kimo tikijunza nyama
272. Ekita empara kiluga omukanwa kayo
273. Ekitagamba tikilema agamba
274. Ekitakushekye nyoko alaruka
275. Ekitali kyawe toikala nakyo
276. Ekitama mbali oshwera nikyo kitama mbali osiiga
277. Ekitema busimbe tikitema buhembe
278. Ekitetengya liba ibale
279. Ekitoke kiba njubu kyenda okwibira
280. Ekitula nda
281. Ekizimu tikyebembera ndira
282. Ekyaizile mabere tiwakukitanga kwija
283. Ekyakuteire omukono tikikutera munwa
284. Ekyehamuro kyomukuru keba etali njara tuba tuli turo
285. Ekyesiza kinena eigufa
286. Ekyo abikira omunaku tikijunda
287. Ekyoma kurara ti ntambara ya muhesi
288. Elisho likyala tilikyalirwa
289. Elyo olaisa oshangwa oinalyo
290. Emamba ibili tizichumbwa rwabya rumoi
291. Embaizi egw'omukisibu
292. Embaza makuru ebaza agataginagize
293. Embeba etabimanyire elya ekunamiire omuliro
294. Embumbatizi kefa amahuri gajunda
295. Embwa ekalekela ensheko nezigonza
296. Embwa keba etakahire mukira teluga mukyoto
297. Embwa kesherebukya eigufa elemwa elyata
298. Emiku mingi ehugisa embwa
299. Emoi teyesha
300. Emosho ekwolekeire niyo ndiyo
301. Empenahene ehenahena ebyayo
302. Empisi ekagamba eti tingira lwango, nyechura akatumbi nibandetera
303. Empisi ekanyampila eibale eti norwo otagamba wakahulira
304. Empisi elya nomwilima
305. Empisi etaina nyanga tehuna
306. Empisi etakuna ekalya omushenyi omoi
307. Empisi y’omwanyu ekulya bundi wanyu
308. Emyongu migimbe eyata enyungu
309. Enaku ziba za bulyomo n’enkende elala eshuntamile.
310. Enaku zilindwa akagumile
311. Enda elimirwa teshakirwa
312. Enda mbi ekugambisa ebyo olile
313. Endimi elima emparangwa etaha
314. Endondoro echwa ente
315. Enduru neluga aha kifuba
316. Enduru y’okulya otera nke
317. Endwara kekula eita nyinayo
318. Endya mabanja eti abaitu tibanyenda
319. Endya mabanja eti galanyata omunju
320. Enfuka etema omunafu
321. Enfula ibili tizigokelana
322. Enfuru emoi kekoya zona zikoya
323. Engalo ibili zinabishanyia
324. Engamba kumalayo esiimwa bake
325. Engambagambi egamba akaisire omwabo
326. Engambagambi temanya okwo ejumile nyinazara
327. Engaro ibili kunabishanyia
328. Engarukani ekwasa omushuma
329. Engendagenzi eshomba ebyebugo
330. Engiri ezaire telibwa mbwa

 331. Engobya bagiboha etaibire
332. Engoma emoi tejuga murango
333. Engoma kejuga olurai elemwa eyatika
334. Engoma yakanwa ekira eyomuziyo
335. Engonza munyanya teshwerwa nawe
336. Engonzi luba rubingo, otema nilumela
337. Engonzi zema aha mwanya
338. Engurusi y’embeba efa nehanama
339. Enjara bugumba tibusherekwa
340. Enjobe elafa tehulira nzamba
341. Enjoju ekaitwa akasiisi
342. Enjoju telemwa mwino gwayo
343. Enju ejuma abantu efa kubi
344. Enju elikukukila togikwata rusika
345. Enju eshereka alya ebibisi
346. Enju mpango egira embeba zigomokire
347. Enju mwatani wawe keya oyota
348. Enju y’empaka elya obushera bubisi
349. Enju y’obworo toshumulilamu kawe
350. Enju yahya ekisika kiti ndi ahange
351. Enjubu elagire teyata bwato
352. Enkengi ekenga ekitakaizile
353. Enkoko eshonda ako elamila
354. Enkoko etabimanyire ekokoroma abaganda baliwo
355. Enkoko eti akaro kalinya karungi, endijo eti kubona mbali otaraire
356. Enkoko yomugenzi eikala ekomile amagulu
357. Enkomba ibili tizilemwa bwato
358. Enkoni y’ahalai teita njoka
359. Enkungani ezara eboroga
360. Enshazi eluga aha kyoma
361. Enshemere tiziwa kamogo
362. Enshubizi eigusa kake
363. Ensi ekaleta orwinamo rukabura
364. Ensigalira etongwa omugezi
365. Entabwa kemela ebireju omwoyo guba gwamezile enjwi
366. Entagambirwa ekasabara obweibumba
367. Entare enshaija ekasinda eti lyange, enkazi eti likwatanisiibwe
368. Entasiima ekalya omutima gw’emanzi
369. Entasiima eyekeyesheza omugabo
370. Ente ekabura bagihiiga omu nkanga
371. Ente ekazara omukyanda eti obwange naiyaho
372. Ente ya hai telya bunyasi bwaho
373. Entumwa teitwa
374. Enyama mbi tewa aha ruti
375. Enyama ni isho na nyoko
376. Enyampisa kiniga eyenyiera
377. Enyanga kugambirwa teyanga kubona
378. Enyangira bakuru ekafuruka bwamushana
379. Enyenje nkulu teitwa bushera
380. Enyio ekolwamu nyinayo
381. Enyondo tekulila ibare
382. Enyongeza teita muguzi
383. Enyonyi etaharara temanya ruhanga rweza buroi
384. Enyungu eyo olalilemu togyeta ruguyo
385. Enyungu mpango telya kamuchumbi
386. Enzegerezi enywa aga amwitizo
387. Enzegerezi y’enshwashwa ebamba engarabi
388. Enzegerezi ya aha kikale elya eteguro etali yayo
389. Enzengerezi y’omuha eletera ababo orujuru rwembwa
390. Erwanila eyabo echweka eiyembe
391. Eshoju ekoza eli nto kekura ejunga amarwa
392. Etafe etaya omugenyi
393. Etaina mukuru efuruka nyemishana
394. Etakabagirwe teba nyama
395. Etashaare negyo?
396. Ey’omworo niyo ekumba
397. Eya ababili ejunda
398. Eyo otalima olebayoki
399. Eyombo eletwa ababili
400. Eziisize nizo ziba nkwi
401. Ezinamu rubamba tiziterwa nkuba
402. Ezisherera tizo ishwera
403. Gabila zona toikumanya elaita
404. Gahire buli agahembire
405. Gaita enzihi
406. Gajungwa enkunami ganyoebwa enyesigi
407. Galala ngaya bukya gombeka
408. Galibe ngalye nk’embwa nebungya amajuta
409. Gamba nimpulila aba atali mugawe
410. Ganyebwa omuto gahewa omukuru
411. Garara ngaya bukya gemerera
412. Gatagata tigebwa wabo mbeho
413. Gutole gutole tegwonkya
414. Ija olye akatoke eleta
415. Inye timbigirwa bamubona najenjela
416. Ishe emoi lyenkoko libegana akahuka
417. Ishe tibukye akaita omukazi
418. Isho na nyoko ogula nabo
419. Ishwento akushontola
420. Ishwento ti isho kasho afa agya kukwoleka ebianyi
421. Iwe mukaibanye otampeza bugumba, omwana ozala omoi, kayakufa oshushanye
422. Iwe nyaikunika wayekozaki, eby’omufu akolera anyanga
423. Kabagila naiwe ogila
424. Kabagire aba nakugirira
425. Kabagwe teita nte
426. Kabambone akata eyomukibi
427. Kabeba okaitwa ebike, ebingi biliho
428. Kabihore abilya n’abagenyi
429. Kabikanye afa atashweire
430. Kabukye nkategele oshanga kali kakondo
431. Kabutota, tabaho bwa nyinenju
432. Kabwanga kukya okingura okwo bukali
433. Kagunju kula oli wambwa
434. Kailembo otansheka, matangwa tinamwezalile
435. Kaitaba wakulya amaajwe abawe nibafa enjala?
436. Kakihweyo achumita omukira
437. Kakikule akyetweka
438. Kakuru takulirwa
439. Kakuru tekulilwa
440. Kalemba bazaana iroko ogende, ati ndagenda, akataha ag’ebikere

 441. Kali bwangu tanywa ga nyana
442. Kalimi nyamutonda ati ti tata ni tatento
443. Kalitunga agira obwemo
444. Kambulye nkabwelimira egiza omukaikuru eibondo
445. Kamoikamoi nigwo muganda
446. Kana ka munyanyakazi kakusiga eshaabo
447. Kangule atambirwa eiramu
448. Kankigambe munwa gura atakaizire
449. Kanshage atwara eiyema
450. Kantagamba mazara eikaza kubi
451. Kanula aba alakalire
452. Kanyasi kamoi kakamara obwoki
453. Kanyomoza aba nayenda kumanya
454. Katushushane takwihira mubazi gwa mwana
455. Kazengerela aha mwaro alemwa alyaho emfuru
456. Kiise nashenjuza ntotomya
457. Kikere kalara ayegile kujuba engai emulara aha mutwe
458. Kinga kingula eiganisa omwana na ishe
459. Kinga kingura echuza orwigi
460. Kishaijaki ogiterwa omwatani wawe
461. Kishwera waiyuka kitaha magenyi otai n’omulombe
462. Kitaita yaita omushwi
463. Kituratuzi ikanga bana yetele omubwi aitama
464. Kobona abalizi olira
465. Kogya bunyira onyira
466. Kohulira tindoga ekikere kingwele omubitoke
467. Koigusa emfulebe ekuniga
468. Kokunira atajwara oyanga oleebayo
469. Kozala omurushu omutweka aha kikale
470. Kuba namanyire eija nyuma
471. Kula oibone
472. Kyajunda kitateirwe njura lero orwo yatonya
473. Kyeba omugambi, omugambirwa tikimweba
474. Kyebembeile shub’enyuma
475. Lukenwa agabirwa mukaishe, alikutwereza akabunda agabirwa nyina
476. Lya oigute teyebesa mwana wabo
477. Ma nanka agonza, myakaye
478. Malaya aba basi ya Kabandole n’owenkaito nakuba
479. Malaya n’omushuma tibamanya munaku
480. Mani teha ekiha mugisha
481. Manya nyenka aheshera ebyoma omunshaho
482. Mbali bukya mbele mbwenu aha bwakeile
483. Mbali ishenyerwa tiho ikomerwa
484. Mbali kisongokeile niyo omutima gwange gulara
485. Mbali nyatana niyo bafuka ebisoroire
486. Mbali omutumbi gugwile niho amahungu geshombokeza
487. Mbali oshanga omukama niho olamiza
488. Mbali oshanga omukama niho olamiza
489. Mbali otaiye mukazi tomalilayo bigambo
490. Mbali otakyara amatwi gakyarayo
491. Mbali otalima olebayoki?
492. Mbali wanyatila nikyo kyanda
493. Mbatanga ebikere binunju nibibunduka
494. Mbilima nibasheka, kabiba byayezile baija nibayala engaro
495. Mpola mpola ekalya ebyamuno
496. Mubumbi alira aluguyo
497. Mubwi otansheka,niiwe wanyunyile
498. Mufu nairukya mujunde
499. Mufu nashekelera mujunde
500. Mukaikuru akashoma omwonyu gw’abagenyi ati kandebe ekilabatera eishaija
501. Mukaikuru olafa, ati kyagambwa banai
502. Mukama w’omulinga kagwenda otega omukono
503. Mukama wa akaze takachwa
504. Mukarugirilwa akonyu kanule, abashombwa banunke
505. Mungu mbela naiwe notaho agawe
506. Munywanyi wawe akuigisa eboneka, murumuna wawe akuigisa ebura
507. Murungi timusige enaku zikwita nawe
508. Muzana ndikubungya, ati mawe tuliba tuli hamoi
509. Mwatani mubi njoka akutema otamanyile
510. N’alima aharungi ainuka
511. N’atabyamile arwaile
512. Nahanika nshutamile nahanantura ndahisilize
513. Nairuka kabundi lero orwo akashenshe ka mazara katwarwa embwa
514. Nairuka nka atwete ebarua y’empisi
515. Nakomolora oti tiga
516. Nakomorora, oti akaragara kaki
517. Nakora omumfurebe oti waiyamuki
518. Nanka nakujuma egoba hara
519. Ndabyetweka akagutuka omugongo
520. Ndaile kubi bamubona amazinduka
521. Ndakua tetanga kwima
522. Ndakugambila eisa ekiika
523. Ndakushanga aha kibira kya bunanka aba nakulisa emibwi
524. Ndiwo mani gake nk’omunyali
525. Ndizara niyo bugumba eraba
526. Ngamanyiire tatonya iziga
527. Ngenda agira amahikiro, nsibire ningenda aba ataina buungukilo
528. Ngono ekagenda yonka yahaba
529. Ngonzi mbali agoba nobi ashagao
530. Nikanura aba alakarire
531. Nikwo mbazara aitwa eya mwenda
532. Nikwo mbitema akatema ebya rusomba
533. Ninyara mbyaruguka
534. Nka nohya ahanyio nk’epasi
535. Nka waita mbali oikaile nkemuga
536. Nka wambao nk’omusilamu n’ebinika
537. Nkabalekera baba bakalekera iwe
538. Nkagamba akila nkesiza
539. Nkora nayamara
540. Nkue ente nkue n’ekyanzi?
541. Nkugendeile takulugao bushai
542. Nkulimile akila nkuchumbile
543. Nkutoijeire takulugao busha
544. Nobona mbachula, oti omurwaile womu alailemu ata
545. Nolisa obwendai obwenkoko nibulambara
546. Noshaba ebyawe nkomuraru
547. Nshweire kubi tahwa bagole
548. Ntabara elya ebya ndimu
549. Ntakulibata aba yakulibasile
550. Ntegulura ndikutegulura
551. Ntuma nkutume ni mukazi alikwonkya
552. Ntunda bwange aseza
553. Ntwire nayamara
554. Nyakahara tagwa mwabo
555. Nyantabashirwa ga bakuru bamubona akatumbi
556. Nyantashuliza ajunza
557. Nyarubamba n’ayakubamba enda
558. Nyeganyaki asiba omunzige
559. Nyegera nyegera oije nakanyeto, abaija munu tibetola
560. Nyinenju kalugao enshambu ishembela
561. Nyinenju kayenda ekiaha bakyeta ine
562. Nzigura tagwa omwe
563. Nzitela ninyeindula
564. Obugambage bukakiza enyarubabi
565. Obugambage bukushweza hai
566. Obugendampola bwa omuhimakazi eba eli mirembe
567. Obujune bworumbugu bwija noyara
568. Obukuru bushemeza ekitoke
569. Obukuru bwentongo norwo yahya akabunu
570. Obukwatane bw’ente mabere
571. Obukya nibwira bwiganishanya omwana na ishe
572. Obulahora tibukwokya
573. Obulanura bubanza n’enanga
574. Obungi bwenshama n’eibili
575. Obunura bubuli bwokya amatama
576. Oburenga bw’omukazi ati nimbe nabaile mushaija
577. Oburenga bw’omushaija ati nimbe nabaile mukazi
578. Oburungi bwomukazi bumanywaiba
579. Obusenene obuke bukila ezipango kwana
580. Obutamanya butabaza aragwayo
581. Obutara bwakazire enjoju tibukara rumi
582. Obutehika bujweka embwa orukoba
583. Obutware obuhabwa nyinenju
584. Obuzale kagulu
585. Obwangu bukushweza obubi omurungi aija akuhingikira
586. Obwato bufa magoba
587. Obworo ntare kotarashaine yakulya
588. Ogamba ebyawe bike nyambata obitangwaki
589. Ogwina ekinegeza tigulala
590. Okuchura muno tikugarula yafa
591. Okugamba kubi kutera omukaikuru eirogo
592. Okulya kushakura okulima kwonjorogokwa
593. Okutuma kweza engalo tikweza mutima
594. Okwekenga ti butiini
595. Okwesiza tibutamanya, shana mba nintanga eyombo
596. Okwesiza ti mutima
597. Okwo ehika tikwo egwa
598. Okwo omutwe gwemile nikwo enshunju itegwa
599. Okwo zikwalila, nikwo obyama
600. Olamanyilyo nka mwalimu

 601. Oli nkinzo noyeteera aha kihosho
602. Olugendo lweila lwobuazi, buhinduka buba buzokelezi
603. Olukwi lumoi tilwakya mukyoto
604. Olushwi lukamala obwoki
605. Olutega mukasho lwija na nyoko
606. Olw’okusoroza obiriza
607. Olwo kushwela lubondo oshwela entukula
608. Olwo okushengwa embaga oshengwa omukama
609. Olwo okwatana omwatani mubi oyatana ekibira
610. Olwogonza okulelemba noija kulelemba naili wanyu
611. Olwokufa, ogoka
612. Olye bike otukuze enfundo
613. Omkazi omunafu tayosha wabo
614. Omo tayesha, babili baize ekyemba
615. Omubi niwe anyampa omu rufu
616. Omubi tabona mpisi
617. Omuchuruza tasiga munzani
618. Omuekwa tagila nyio
619. Omufu akahera ondijo ati olwo eneku zitabayo nka waija kunu
620. Omugenyi w’elimo talema longoro
621. Omugenyi ali mabugo atanirira nyinenju
622. Omugenyi ayetwekile tashuulilwa ilembo
623. Omugenzi aborongora amaisho taborongora bigambo
624. Omuhampya taba muguzi
625. Omuhigi kabona enyama amashaasha anaga
626. Omuhigi wa hara tajuna mbwa
627. Omuhima kazengelera amwalo alemwa alya enfulu
628. Omukaikuru ataita nsenene aziliisa akahutohuto
629. Omukaikuru w’enshoni bakamuziika nalora
630. Omukaikuru yazirimile tahwa itengya mabega
631. Omukama ahinduka aha nkeeto tahinduka aha rulimi
632. Omukama akugonza akutuma owanyu
633. Omukama ntome atera amugobire
634. Omukazi atakwendela bawe aba ali mukambuzi weka
635. Omukazi mbanzi akugonza mukyagonjianyia
636. Omuku gw’omukama gwita atagugobileho
637. Omulibwa njoka ayekenga omunya
638. Omunafu ayebamba aha kyosi
639. Omunaku talonda
640. Omunaku tatunga mbwa
641. Omushabi tahemuka ahemuka n’ayanga
642. Omushaija atalya ibanja tahukuka
643. Omushaija ayonkya bwemi
644. Omushango gushalilwa aha gundi
645. Omushango gwasinga enyomyo
646. Omushango tigumanya nju mbi
647. Omushuma ndimi omulogi kutega
648. Omushuma omubikisa, omurogi omusigila omwana kulela
649. Omushumbwa nanuuka omwonyo nigunula
650. Omusigile aikaza nyina emoi
651. Omusigile anaba kuguru kumoi
652. Omutamiire tabaga mbwa
653. Omuti gurungi gumera omumahwa
654. Omuti ogwinamile tiguendwa muyaga
655. Omutunzi kamaza ati abana barwala
656. Omuzaile abimbwa tatanaka
657. Omuzaile tashara mara
658. Omuzana ashasibwa ayamugendeire

659. Omuzana tomugura
660. Omuzimu gwomwanyu gukulya bundi bwanyu
661. Omuzizi azimba itwe
662. Omwa manzi nibachura omwa katini nibasheka
663. Omwa muyebe nimwo empoile eluga
664. Omwabilemile n’enshenya ekokoloma
665. Omwana aba nyambimbi itagoba
666. Omwana abunga aiyayo ekirumiko
667. Omwana aina ishe tayekomera nkwi
668. Omwana alema talya kamukaikuru
669. Omwana bunyinarumi aholekwa nyina
670. Omwana kishomo tazarwa amoi
671. Omwana rwogu, rubogorwa buli omoi
672. Omwana wotazaire togila oti ndakutera
673. Omwange otae kyonka oijuke ekyo wankozile
674. Omwanya gumoi gwisa eijwi
675. Omwiko gumanya ow’omunju
676. Omwiru taheka ngo
677. Omwitwa wa amaizi agobera mbali amanya.
678. Omwongu ngunula ambashumbwa mbanuka
679. Onjune omukyanda ndikujuna omutoigo
680. Orabaho ommushana bili bilibwa, orabaho ekiro oshanga byabaile mahwa
681. Orurakumara embeho orweshenyera
682. Oruraraba rubanza orulemba
683. Orutatumba ruti “bigibigi” akashankara kati iroko nanye nkabwekangao”
684. Orw’obehile nirwo bwanguha kukya
685. Orwita mugenzi wawe iwe oganya
686. Orwo Makongora ekyakongora, okongore
687. Orwo ogonza abalengize otangwaki kulengya abawe
688. Orwo otaina kiti nirwo embeba ekurabaho
689. Orwokugila orutimba rwebishusi ogira ekilele kimoi
690. Orwokushakura ozonga
691. Orwokushega oyola
692. Orwokushumba ente oshumba nyinazo
693. Orwokwikala bushai oshwera lukano
694. Osiga agawe oyanjala aga banu
695. Osiga omwawe gulaire ogya njweli oti hemba ndagure
696. Otahesa kati enyondo eliho
697. Otaliba rwongu kukunamira mbali ozarwa
698. Otandeba kisho ayampaile niwe yakwimile
699. Otasheka lwondiwo nkalugao okangeya
700. Otasheka, enaku mushana tigujwera hamo
701. Otazinga ngata otakaboine kyakutwala
702. Otina omuhango oti aliba akeyali
703. Otulo twomunafu twija nibukya
704. Owa amairu atambirwa eiguzi
705. Owa amaka gabili asiiba
706. Owa amaka gangi tomwombekela
707. Owo ogonza eiramu tilimugwera
708. Owo otalisa tomweta mujala
709. Owo otamanya omweta iwe
710. Owosheka nawe niwe mwisi wawe
711. Ramya embwa ya kahaya oshabuke
712. Ramya eya kahaya oshabuke
713. Ruarandimu nyagabona nk’ensindizi y’ebilele ebilaija binshange mwange
714. Rufu tilwagila nshoni abaziki bakyabwerabwera
715. Ruleta marobo amanya okwo aragaheturura
716. Rusiga mazima agahungukira
717. Shweka amazi oite obutuzi
718. Tabao bukulu bwa kikona ensenene zigwile
719. Talio kihango kyezara
720. Talio mutwe gutalugwamu kigambo
721. Talio yanabile akatama
722. Taliwo azira muziro ogutakaitaga mwabo
723. Taliwo mutwe gutalugwamu kigambo
724. Tela akashaka alugwemu obunyonyi
725. Tela basheke akawe kele
726. Tibasiima ntukuru basiima ebilimu
727. Tibimale nkoruhosho
728. Timbigirwa abyehatila
729. Timbigirwa afa nabunga
730. Timpamanya akwatilaine nobulemi
731. Timpanulilwa agoya eijwi
732. Timpingurwa alengize, aiyayo nyambata
733. Tindabwao kantu anywana na rufu
734. Tindala nja aija nibukya
735. Tindya akashanga tindilwa kange
736. Tindya alaga bubili
737. Tinkakibonaga abaza ndakiboine
738. Tinkakibonaga taba mukuru
739. Tinkaligahire aba alaiba
740. Tinkishubira aba naluga aha igombolora
741. Tinserwa talengya
742. Tinsheka na bakuru azala oruhumpu
743. Tinsheka na bato agejungira
744. Tiwakubyara mijuna okeganya biiba
745. Tiwakutwala kimuga okashlreka binyakweli
746. Tokaisile ikombo oti oruhu rulabamba eitogoro
747. Tokashabukile Kagera, oti nindala Minziro
748. Tolime mugusha okeganya ntunguru maiba
749. Twazinira emilyango enjuruguru baitana
750. Wabikisa omufu empisi
751. Wabona empya watemura enkuru
752. Wabona gwaraire oti tigwayakile
753. Wabona lukubule oti tilwaseire
754. Wagendela omukikuukuro kya misa nkuru
755. Wagya kulyeiya walyeigatiliza
756. Waita mbali oikaile nkeemuga
757. Waitwa akake nk’embeba
758. Wakwatila endai omu mahwa
759. Waluga eigulu wagwa aha rwazi
760. Waluga omu lyarwa wataha omu kitoke
761. Waserwa nyakashero, wakunganisa embarabara
762. Washaba owo waimire nomanya akeebwa
763. Washambya eshagile enyungu
764. Washambya limoi watema emitula
765. Washungwa abagenyi balaile
766. Washwela nka ajugile
767. Wasiga olwisire wagya kushuura
768. Watiina omuhiiko enjula etakagwile
769. Watwara amaizi aha ngezi
770. Wayeitila ekitakweitile nk’omuyaga nigweitila eibale
771. Wayetuma kabili nka anyia omunju
772. Wazala abakulu nka nyakabumba
773. Yombeka mpango takuteraho muganda
774. Zakuba ibanza ezamahereruka ishasa
775. Zigwa mbali batazilya
776. Ziita alashweile
777. Zona mbwa, aba ajumile mukama wazo

TUPIA LIKE KAMA UNAAPRECIATE PIA SHARE UKURASA WETU WA Bukobawadau Entertainment Media

3 comment:

Anonymous said...

Esiimi nyingi muno

amony baritazary said...

Kasinge waitu

Anonymous said...

ninsima muno.

 

WASILIANA NASI KUPITIA 0715505043 / 0784505045 0768397241 / 0754505043

.

SIR.LOOM INC & MC BARAKA

.

IDADI YA WATU