SEARCH -TAFUTA

.

SIR.LOOM INC

KARIBU BUKOBAWADAU BLOG

SADATH BOUTIQUE

KABAGO SHOP

PROAKTIV COMMUNICATIONS

g

17 January 2017

WENGI WAJITOKEZA KUMUAGA AMINA ATHUMAN DAR

 Waombolezaji wakiwa wamebeba jeneza lenye mwili wa aliyekuwa Mwandishi wa Habari za Michezo wa Gazeti la Uhuru, Amina Athuman  walipokuwa wakioutoa nyumbani kwake Banana, Dar es Salaam leo, kuliingiza kwenye gari tayari kusafirishwa kwenda nyumbani kwao Lushoto kwa mazishi. (PICHA ZOTE NA RICHARD MWAIKENDA;KAMANDA WA MATUKIO BLOG)
 Mwili wa aliyekuwa Mwandishi wa Habari za Michezo wa Gazeti la Uhuru, marehemu  Amina Athumani ukiombewa dua nyumbani kwake, Banana, Ukonga.
 Mwenyekiti wa Chama cha Waandishi wa Habari za Michezo Tanzania, Juma Pinto (kushoto) akimzungumzia marehemu Amina kuhusu uchapakazi wake enzi za uhai wake
 Baadhi ya waombolezaji wakiwemo wanahabari wakiwa eneo la msiba nyumbani kwa marehemu Amina Athuman, Banana, Ukonga Dar es Salaam
 Mwili ukpelekwa kwenye gari
 Mhariri Msanifu Mkuu wa Gazeti la Jambo Leo, ambaye kabla ya kujiunga na gazeti hilo alikuwa Mhariri Mtendaji wa gazeti la Uhuru,Joseph Kulangwa (kushoto), na Mwenyekiti wa Chama cha Waandishi wa Habari za Michezo Tanzania, Juma Pinto wakiwa na huzuni wakati jeneza lenye mwili wa Amina Athuma likitolewa ndani tayari kusafirishwa kwenda Lushoto.
 Mgane wa marehemu Amina, Towfiq Majaliwa
 Ndugu wa marehemu
 Kiongozi wa kundi la wasapu la Waandishi wa Habari za Michezo Innocent Okamwa (kulia) akimkabidhi Baba mkubwa wa marehemu Amina Athuman, Athuman Kazukamwe mchango wa rambirambi sh. 600,000 zilizochangwa na wanahabari wa kundi hilo.Katikati ni mwanachama wa kundi hilo, Somoye Ng'itu.
 Kazukamwe akitoa shukrani kwa mchango huo
 Sehemu ya waombolezaji
 Mgane wa marehemu Amina, Towfiq Majaliwa akifarijiwa na Naibu Mhariri Mtendaji wa gazeti la Uhuru
Wanahabari wakiwa na huzuni

RAIS JPM AMTEUA JAJI PROF IBRAHIM JUMA KUWA KAIMU JAJI MKUU

Rais Magufuli amteua Mhe.Jaji Prof. Ibrahim Juma kuwa Kaimu Jaji Mkuu wa Tanzania.

RAIA WA BURUNDI ASHIKILIWA NA JESHI LA POLISI MKOANI KAGERA

Na Mwandishi wetu.
Kyerwa.
RAIA wa Burundi mkazi wa Bujumbura anashikiliwa na jeshi la polisi mkoani Kagera kwa kosa la kumugonga mwendesha pikipiki na pamoja na ambiria wake.
Kauli hiyo imebainishwa na Kamanda wa Polisi mkoani Kagera Augustine Ollomi wakati alipokuwa akiongea na waandishi wa habari mjini Bukoba.

Hata hivyo alisema kuwa Raia huyo wa Burundi aliefahamika kwa majina ya Pruzandekwe Thomas (49) alikuwa anaendesha gari lenye namba za usajili T252AIT alipokuwa akitoka Rutunguru barabara ya kutoka murongo kwenda Kaisho majira ya saa 12 :15 mwaka huu.
Kamanda huyo alisema kuwa waliogongwa katika ajari hiyo na kupata majeruhi ni mwendesha pikipiki Ageti Gabriel (28) aliyekuwa amembeba Grolias Telesphory (15) mwanafunzi wa kidato cha kwaza waliokuwa wamepanda pikipiki nyenye namba ya usajiri MC698 BJU.

Alisema majeruhi hao wamelazwa katika Hospitali ya Nyakahanga iliyopo wilayani Karagwe ambapo wanaendelea na matibabu.
Wakati huo huo Kamanda Ollomi alisema kuwa watu watatu wamefariki dunia kwa nyakati tofauti wakiwemo wawili katika Wilaya ya Kyerwa na mmoja kutoka manispaa ya Bukoba.

Kamanda Ollomi alieleza matukio yalitokea mnamo tarehe 15 Jan,2017 kwa kusababishwa na Gari dogo aina ya Toyota Primoo namba ya usajiri T686 BHN lilokuwa likielekea Kimuli kutoka mabila lilimgonga Swamadu Swaibu Myambo mtoto aliekuwa anasoma darasa la pili nakupelekea kifo chake.

Dereva wa gari hiloalitokomea kusiko julikana na juhudi za kumtafuta zinaendelea chanzo cha ajari hiyo ni mwendo kasi.
Mauwaji mengine yalitokea katika kitongoji cha Chanya tarafa Nkwenda Fransisi Majura Muhaya (83) mkulima mkazi wa chanya aliuwawa kwa kupigwa fimbo kichwani na vipande vya matofari ya kuchomwa na kuvuja damu nyingi sana na kusabasha kifo chake.
Kamanda Ollomi alisema kuwa husika wa tukio hilo ni mtoto wa marehemu Atugonza Gerevazi (21) alikuwa anampiga baba yake Domisian Gerevazi (78) baada ya majirani kuja kuwaamua ugomvi huo ndipo kijana huyo alipo muacha baba yake na kuanza kumshambulia.
 
Ruta Reonadi (45) mkazi wa Nyamukazi muhaya mvuvi aliokotwa akiwa amefariki maeneo ya kata kashai matopeni akiwa anatokwa na damu sehemu za masikioni na puani .
Aidha alisema kuwa mwili huo umetambuliwa na ndugu na sasa upo katika Hospitali ya rufaa ya mkoa Kagera.
MWISHO.

16 January 2017

YALIYOJIRI MULEBA MADC WATAKIWA KUJIAMINI KUELEZA MAENEO YENYE NJAA

Mjumbe wa kamati kuu ya Chadema na waziri mkuu mstaafu Edward Lowassa akizungumza  na mamia ya Wananchi na Wanachama wa Chadema waliojitokeza kwenye Mkutano wa kampeni za uchaguzi mdogo wa udiwani Kata ya Kimwani,Uliofanyika Jana Jumamosi Jan 14,2017.
  Waziri mkuu mstaafu Edward Lowassa na Mjumbe wa kamati kuu ya Chadema akizungumza wakati wa akimnadi Mgombea wa Udiwani wa Kata ya Kimwani kwa tiketi ya Chama cha Demokrasia na Maendeleo (Chadema) Leonard Ntimanyi pichani kulia kwenye Mkutano wa kampeni za uchaguzi mdogo wa udiwani Kata ya Kimwani Jimbo la Muleba kusini uliofanyika Jana Jan 14,2017.
Wananchi wa Kata ya Kimwani  wakimsikiliza Mjumbe wa kamati kuu ya Chadema na Waziri mkuu mstaafu Edward Lowassa katika Mkutano wa kampeni za uchaguzi mdogo wa udiwani Kata ya Kimwani uliofanyika Siku ya Jana Jumamosi  Jan 14,2017.
Akiongea na Wananchi waliohudhuria Mkutano Mjumbe wa Kamati Kuu ( Chadema ) Edward Lowassa amewashauri Watanzania wasipingane na misimamo ya Rais Magufuli kuwa nchi haijakumbwa na janga la njaa ispokuwa watangulize maombi kwa Mungu ajalie  mvua inyeshe  kunusuru mazao yanayonyauka mashambani. 
Lowasa alisema Wananchi wasitishike kumchagua kiongozi atakayewatetea kupata haki na huduma za kijamii na kwamba viongozi wa chama hicho kutoka majimbo ya Muleba Kusini na Kaskazini, wahusike kuwasikiliza wananchi ambao wanapuuzwa kwa kauli na vitendo kutoka kwa Rais Magufuli katika kubeza changamoto zinazowakabili watanzania.
Katibu Mkuu wa Baraza la Wazee CHADEMA Roderick Lutembeka Mkurugenzi wa Fedha na Utawala wa Chadema akiongea na Wananchi waliohudhuria Mkutano huo

Katibu Mkuu wa Baraza la Wazee CHADEMA Roderick Lutembeka na Mkurugenzi wa Fedha na Utawala wa Chadema akiwaonyesha Wananchi wa Kata ya Kimwani mfano wa karatasi ya kupigia Kura kwa wagomebea Udiwani  katika Mkutano huo uliofanyika Jana Jumamosi Jan 14,2017

MADC WATAKIWA KUJIAMINI KUELEZA MAENEO YENYE NJAA
Anaandika Shaaban Nassibu, Ndyamukama

Wakuu wa wilaya na wakurugenzi wa Halmashauri za wilaya kote nchini wametakiwa kuwaongoza wananchi bila kuhofia kutumbuliwa na Rais John Magufuli wakitanguliza uzalendo wa kuwatetea wanaokabiliwa na janga la njaa kwenye halmashauri za wilaya zao
Kada wa zamani wa Chama cha Mapinduzi mkoani Shinyanga Hamisi Mgeja ambaye sasa ni mjumbe wa kamati ya ufundi ya Chadema ,ametoa wito huo wiki hii kwenye mkutano wa kampeni za udiwani uliofanyika kata ya Kimwani Wilayani Muleba na kwamba viongozi hao wateule wa Rais wanahitaji kutumia nafasi zao kuwasemea watanzania 
Mgeja amesema viongizi wengi wanafanya kazi bila kujiamini kwa kuwa Rais anadai ndiye msemaji wa mwisho kuhusu tatizo la njaa lakini maeneo mengi yaliyo na wawakilishi wake yanakabiliwa na ukame hivyo wateule wake wanatakiwa kutaarifu hali halisi juu ya suala hilo

“Watanzania tunahitaji mabadiliko na utawala bora kuepuka ukandamizaji wa kidemokrasia na kubainisha changamoto ili kutafutiwa ufumbuzi kwa kuwa nchi hii imejaa vitendo vya Rushwa na ubadhilifu wa rasilimali pia kupewa huduma sio uhisani”. Alisema Mgeja 
 MEYA wa Manispaa ya Bukoba, Chief Kalumuna akiwa Jukwaani Kimwani.
Aidha meya wa manispaa ya Bukoba kupitia Chama cha Demokrasia na Maendeleo Chadema Chief Kalumuna alisema serikali ya awamu ya tano haina budi kuwatetea wanyonge kwa vitendo badala ya kuwakebei majukwaani katika kuwapatia huduma bora za kijamii

Alisema mkoa wa kagera umekuwa na tetemeko la ardhi mwaka jana lakini serikali bado haijaonesha machungu kwa wakazi wa mkoa huo kwa vitendo angalau kuwapunguzia gharama za vifaa vya ujenzi badala yake misada inayochangwa imekumbatiwa bila kuwafikia walengwa
Katika tetemeko hilo watu 17 walifariki dunia na wengine kadhaa kujeruhiwa wakati nyumba nyingi zilianguka na nyinge kupatwa na nyufa ambapo serikali misada ya wahisani ilielekezwa kukarabati miundombinu katika taasisi zake kama barabara na shule

“Mimi nimekaa jeshi la polisi masaa mane nikitakiwa kujieleza nilikuwa na lengo gani la kuhoji misaada inayoletwa na wahisani kusaidia wahanga wa tetemeko katika manispaa ya Bukoba lakini sitateteleka nawatetea wananchi wangu” Alisema Chifu Kalumuna
 Meya huyo akiungana na Mbunge wa jimbo la Bukoba Wilfred Rwakatale walihimiza serikali kuwa sikivu kwa kilio cha watanzania waishio mkoani kagera kupunguziwa vifaa vya viwandani waweze kujeng na kukarabati nyumba zao kwa kuwa baadhi yao bado wanaendelea kulala nje
Kwenye mkutano huo wa kampeni za mgombea udiwani leonard Nchimani kupitia Chadema viongozi waliosimama jukwaani walihimiza amani na utulifu na kuwataka kujihadhari na vitendo vya rushwa na kupoteza haki zao za msingi kumchagua kiongozi atakaye watetea kwa usahihi katika vikao vya maamuzi kulingana na changamoto zinazowakabili

Mgombea udiwani kupitia chama cha Demokrasia na Maendeleo Chadema Leonard Nchimani amesema iwapo atachaguliwa atashirikiana na wananchi kutatua changamoto zinazowakabili wakazi wa kata hiyo hasa barabara maji na zahanati pamoja na uboreshaji vyumba vya madarasa
Hata hivyo Mjumbe wa Kamati Kuu ( Chadema ) Edward Lowassa amewashauri Watanzania wasipingane na misimamo ya Rais Magufuli kuwa nchi haijakumbwa na janga la njaa ispokuwa watangulize maombi kwa Mungu ajalie kunyesha mvua kunusuru mazao yanayonyauka mashambani

Lowasa alisema wananchi wasitishike kumchagua kiongozi atakayewatetea kupata haki na huduma za kijamii na kwamba viongozi wa chama hicho kutoka majimbo ya Muleba Kusini na Kaskazini, wahusike kuwasikiliza wananchi ambao wanapuuzwa kwa kauli na vitendo kutoka kwa Rais Magufuli katika kubeza changamoto zinazowakabili watanzania.
 Taswira mbalimbali kutoka Kijijini Kimwani Muleba, Kampeni cha Uchaguzi Mdogo Udiwani
“Wananchi wasipuuzwe kuna tatizo la njaa kwenye maeneo ya nchi na baadaye vifo vinaweza hata kutokea lakini tupingane kwa hoja bila kuumizana na kutakiana mabaya, tuwasaidie wananchi wanaopata matatizo bila kuwapuuza” Alisema Lowassa Katibu Mkuu wa Baraza la Wazee CHADEMA Roderick Lutembeka
Awali Lowasa akiwa wilayani Muleba asubuhi alifanya kikao cha ndani na viongozi wa Chadema wa jimbo la Muleba kusini na kaskazini ,kwa kuwahimiza kushikamana kuwatetea watanzania dhidi ya vitendo vya ukandamizwaji wa Demokrasia na utawala bora, pamoja na kuwapatia huduma bora za kijamii ambazo ndio mahitaji ya walio wengi.
 Mbunge wa Bukoba Mjini kupitia CHADEMA, Wilfred Lwakatare akihutubia katika Mkutano wa Kampeni wa Uchaguzi Mdogo wa Diwani Kata ya Kimwani uliofanyika jana Jan 14,2017
 Mh. Lwakatare mara baada ya kuwatunza Vijana waliokuwa wakitoa burudani katika mkutano huo
 Waziri mkuu mstaafu Edward Lowassa na Mjumbe wa kamati kuu ya Chadema mara baada ya Mkutano huo.
Mgombea udiwani kupitia chama cha Demokrasia na Maendeleo Chadema Leonard Nchimani akiagana na Mh.Lowassa mara baada ya mkutano huo uliofanyika Jana Jumanosi.
 Wananchi wa Kata ya Kimwani wakiwa wamekusanyika kwenye mkutano wa kampeni ya uchaguzi mdogo wa Udiwani wa Chadema.

14 January 2017

KUCHANGIA UJENZI WA MSIKITI WA JAMIA BUKOBA ULIOATHIRIWA NA TETEMEKO LA ARTHI

Uongozi wa Msikiti wa Jamia Bukoba unatumia fursa hii kukuomba wewe Msomaji na Muumini kuchangia Mradi wa Msikiti Jamia,ambao ni Msikiti Mkuu wa Manispaa ya Bukoba  uliobomolewa baada ya kuathiriwa Vibaya na tetemeko la Ardhi lililotokea Mkoani Kagera Septemba 10,2016.
 Hivyo basi kama muumini uliyeguswa na suala hili unaombwa kuchangia katika manunuzi ya Vifaa vya Ujenzi au kuchangia Ujenzi wa Msikiti huo kupitia akaunti ya UJENZI WA MASJIDI JAMIA BUKOBA,NAMBA YA AKAUNTI ;0152249397200 CRDB BUKOBA
 Sheikh Haruna Kichwabuta ,Sheikh Mkuu wa Mkoa wa Kagera akionyesha athari zilizojitokeza katika Msikiti huo kutoka na tetemeko na tetemeko la ardhi lililotokea Mkoani Kagera Sep 10,2016
 Kipande cha nguzo kilichobomoka kutoka sehemu ya Juu ya Msikiti huo.
 Ofisi za Bakwata Mkoa Kagera zilizopo Jirani na Msikiti wa Jamia Bukoba zikiwa zimeathiriwa na tetemeko hilo ambapo mpaka sasa Mchango wa Ujenzi wa miundo mbinu ya Msikiti huo inahitajika.
 Baadhi ya waumini wa kiislamu walikiendelea kujitolea kusaidia shughuli ya kukusanya baadhi ya Vifaa katika Msikiti Mkuu wa Ijumaa Manispaa BUKOBA Msikiti wa Jamia ,Mdau Msomaji unaombwa kuchangia Ujenzi wa Msikiti huo kupitia akaunti ya UJENZI WA MASJIDI JAMIA BUKOBA,NAMBA YA AKAUNTI ;0152249397200 CRDB BUKOBA
 Waumini wakiendelea kusaidia shughuli mbalimbali zinazoendelea katika hatua za awali za kurejesha Jengo la Msikiti wa Jamia Bukoba.
Kama umeguswa tafadhali unaombwa kuchangia Ujenzi waMsikiti huo kupitia akaunti ya UJENZI WA MASJIDI JAMIA BUKOBA,NAMBA YA AKAUNTI ;0152249397200 CRDB BUKOBA
Sehemu mbalimbali za Msikiti huo zilivyoathirika vibaya
Muonekano wa ndani baada ya kutokea kwa tetemeko la ardhi
UONGOZI WA MSIKITI WA JAMIA UNATOA SHUKRANI KWA WOTE MLIO CHANGIA NA MTAKAO ENDELEA KUCHANGIA KWA HALI NA MALI , kwa Pamoja TUIJENGE NYUMBA YA IBADA MALIPO YAKE AKHERA NI MAKUBWA ZAIDI NA DUNIANI PIA UNAPATA.
Waumini wakifatilia zoezi la Ubomoaji wa Jengo la Msikiti huo uliopo katika ya Mji wa Bukoba
BUKOBAWADAU MEDIA kama balozi wa kulitangaza jambo hili tunatoa shukrani kwa Watanzania wote na Waumini na wasio kuwa hao kwa Upamoja wao kwa Michango yao ya hali na Mali inayoendelea katika Kuimarisha Mradi wa UJENZI WA MSIKITI WA JAMIA Ulioathiriwa vibaya na tetemeko la ardhi kama inavyo onekana pichani.
Daima Jamii ya watu huwa Nzuri zaidi na ikishikamana na IBADA na KUMTAMBUA MUUMBA kama Ni hivyo basi kwa PAMOJA TUUJENGE MSIKITI HUU tupate kuwa na Jamii Njema.
 Wabillahi Taufiqh!!


.
 

WASILIANA NASI KUPITIA 0715505043 / 0784505045 0768397241 / 0754505043

.

SIR.LOOM INC & MC BARAKA

.

IDADI YA WATU